Salam Ya Zainab(as)

Milta Nahi Tha Koyi Sahaara Yazeed Ko-x2

Arey Zainab(as) Ne Is Tarha Se Ujaara Yazeed Ko-

Khaatun Jang Kar Nahi Sakti Thi Is Liye-x2

Khutba Ki Zulfiqaar Se Maara Yazeed Ko-

As Salaam Ya Zainab(as) E Kubra As Salaam

Bikherti Huwi Raahon Me Roshni Zainab(as)

Bikherti Huwi Raahon Me Roshni Zainab(as)-

Bikherti Huwi Raahon Me Roshni Zainab[as] ×2

Mizaaje Hazrate Shabbir (as) Le Chali Zainab(as)-

Bikherti Huwi Raahon Me Roshni Zainab[as] ×2

Jahaan Me Maqsade Shabbir (as) Aam Karti Rahi-

Jo Kaam Bhai Ne Sonpa Tha Kaam Karti Rahi-

Kabhi Hussain (as) Ki Surat Kabhi Ali (as) Ki Tarha-

Yazeede (la) Waqt Ki Neendein Haraam Karti Rahi-

Teri Zubaan Hai Ya Teghe Haidari (as)zainab(as)....

Bikherti Huwi Raahon Me Roshni Zainab[as] ×2

Yazeediyat Ke Liye Kaam Khub Ho Jaata-

Jo Aaftaabe Shari'at Ghurub Ho Jaata-

Zamaana Jehle Murakkab Ki Neend So Jaata-

Khuda Ke Deen Me Shaamil Uyub Ho Jaata-

Pase Hussain Na Karti Jo Rehbari Zainab(as)....

Bikherti Huwi Raahon Me Roshni Zainab[as] ×2

Tera Wujud Sadaaqat Ka Paasbaan Raha-

Tera Wujud Imaamat Ka Paasbaan Raha-

Quraane Paak Ki Tatheer Ki Shahaadat Hai-

Tera Wujud Tahaarat Ka Paasbaan Raha-

Hai Tu Hi Makhzane Ismat Ki Chaawni Zainab(as)....

Bikherti Huwi Raahon Me Roshni Zainab[as] ×2

Ali (as) Ki Laadli Hamshire Shabbar(as)o Shabbir (as)-

Janaabe Fatema Zehra (sa) Ki Hubahu Tasweer-

Masaahebine Sitamgar Ki Larzabaan Ham Dam-

Dayaare Shaam Me Karke Kuch Is Tarha Taqreer-

Misaale Haidare (as) Karraar Chaa Gayi Zainab(as)....

Bikherti Huwi Raahon Me Roshni Zainab[as] ×2

Sitamgaron Ne To Chaaha Magar Na Hone Diya-

Khuda Ke Deen Me Bid'at Ka Ghar Na Hone Diya-

Gawaara Kar Liya Khud Daagh Beridaayi Ka-

Barehna Deene Payambar (saww) Ka Sar Na Hone Diya-

Hai Tere Khun Me Shaamil Tawangari Zainab(as)....

Bikherti Huwi Raahon Me Roshni Zainab[as] ×2

Siraate Haqo Sadaaqat Se Hath Gayi Hoti-

Isaare Kufr Me Dunya Simat Gayi Hoti-

Tamaam Nabiyon Ki Mehnat Bhi Zere Takhte Yazeed (la)-

Quraane Paak Ke Hamraah Pat Gayi Hoti-

Agar Mizaaje Zamaana Na Morhti Zainab(as)....

Bikherti Huwi Raahon Me Roshni Zainab[as] ×2

Khuda Tera Hai Imaam O Rasul Tere Hain-

Jo Panjetan (as) Ke Hain Zainab(as) Usul Tere Hain-

Mehek Raha Hai Gulistaane Kibriya Jis Se-

Sabhi Kali Hain Teri Saare Phul Tere Hain-

Hai Tujhse Deene Mohammad (s.a.w.w.) Ki Dilkashi Zainab (as)....

Bikherti Huwi Raahon Me Roshni Zainab[as] ×2

Kahaan Bayaan Ka Mohtaaj Zikr Hai Tera-

Har Ek Zikr Ka Sartaaj Zikr Hai Tera-

Tere Amal Tere Kirdaar Ki Ba Dolat Hai-

Zubaan Zubaan Pe Agar Aaj Zikr Hai Tera-

Hai Tere Zikr Ki Mohtaaj Har Sadi Zainab(as)....

Bikherti Huwi Raahon Me Roshni Zainab[as] ×2

Misaale Hazrate Misam Dahan Ataa Kar Do-

Hame Janaabe Farazdaq Sa Fan Ataa Kar Do-

Dua Ye Munis O Kausar Ki “shadman” Ki Hai-

Ay Bibi Ham Ko Bhi Auje Sukhan Ataa Kardo-

Tumhaari Bazm Me Karte Hain Nokri Zainab(as)....

Bikherti Huwi Raahon Me Roshni Zainab[as] ×2