Jab qafila pohcha tha madine ke zara paas

maqtal me hua kya ye suna usne basad yaas

kat-ta tha jigar dil me nedamat ka tha ehsaas

har ek se ye poochti thi madar e abbas

jab gardan e shabbir pe..(2)

khanjar wo rawan tha

bas.. itna batado mera abbas kahan tha..(3)

1. Zehra ke pisar jane nabi sayyade wali

akbar ke kaleje se sina kaise nikali

jab khaak pe dum todta..(2)

laila ka jawan tha

bas...

2. Maidan me besheer ko jab laye the shabbir

nanhe ali asghar ki jo gardan pe laga teer

jab baap ke hathon pe..(2)

pisar tashna dahan tha

bas...

3. Aqa mera maidan me kyun rehgaya tanha

haa doodh na bakhshungi mai ye kya kiya beta

zehra ka pisar khaak pe..(2)

jab girya kuna tha

bas...

4. Jab bibiyan jalte huwe khaimo ke thi andar

jab zainabe dilgir ki cheeni gayi chadar

jab gardane beemar me..(2)

wo tauqe gira tha

bas...

5. Abid ko liye phirti thi jab zainab-e-muztar

jab aag lagayi gayi cheena gaya bistar

phaila huwa jab shame..(2)

ghariban ka dhuan tha

bas...

6. Jab shame ghariban me bhi pyase rahe bache

jab dukhtare shabbir ke lagte the tamache

jab uska jigar karbe..(2)

yateeme se tapan tha

bas...

Zainab ne kaha usko wafa ka tha bahot paas

jab zibha huwe bhai tho zindan na the abbas

bin haton ke tha ghairate ilyaas ka laasha

sahil pe tadapta raha abbas ka laasha

7. Ye sun ke kiya shukr magar phir bhi hai ehsaas

ab tak ye qamar poochti hai madare abbas

jab gardane shabbir pe..(2)

khanjar wo rawan tha

bas.. itna batado mera abbas kahan tha..(4)