Laash akbar ki jo, maqtal se uthata hai husain
naujawa ko safe awwal se utha laae husain
Chaand ko shaam ke badal se utha laae husain
jaa ba lab sher ko jangal se utha laae husain
di sada laashe pisar aan ke lejaa bano
chid gaya barchi se akbar ka kaleja bano
Laash akbar ki jo
ae laal mere akbar..(2)
mai qurbaan tere akbar
de aake sahara, akbar ki mayyat ko uthakar le aaye..(2)
gar teri ijazat ho bhai..(2)
maidan me zainab aajae
ae laal mere akbar..(2)
mai qurbaan tere akbar
1. Aashoor ko tune asr talak kya kya na uthae hai sadme
khud apne jigar ke tukdo ke laashe bhi uthae hai tune
ye laash jawa ki hai bhai..(2)
sadme se kahi na marjae
ae laal mere akbar, mai qurbaan tere akbar..(2)
2. Akbar ne pukara bhaiyya ko tab se nahi deta dikhlai
bete ki judai ke sadme se
khatm hui hai beenai..(2)
uthte hai kabhi..(2)
girte hai khuda ye din na kisi ko dikhlae
gar teri ijazat ho bhai, maidan me zainab aajae
ae laal mere akbar, mai qurbaan tere akbar..(2)
3. Akbar ka badan talwaro se aada ne kiya tukde tukde
barchi jo kaleje me utri to dil bhi hua tukde tukde
shabbir ne jo manzar dekha..(2)
wo khoon ke ansu rulwaye
ae laal mere akbar, mai qurbaan tere akbar..(2)
4. Athara baras ka akbar hai, hai alame peeri me bhaiyya
sadma hai qayamat ka dil par laasha hai uthana akbar ka
ae kaash paye imdad e akhi..(2)
darya se ghaazi aajae
ae laal mere akbar, mai qurbaan tere akbar..(2)
5. Abbas gaye kya duniya se bhai ki kamar hi tod chale
ek saath tha akbar ka baqi so wo bhi muh ko mod chale
peeri me uthe hay
peeri me uthe laasha kese
hamsheer sahara ban jae
gar teri ijazat ho bhai, maidan me zainab aajae
ae laal mere akbar, mai qurbaan tere akbar..(2)
6. Ae shadma itna pyara tha shabbir ko zainab ka parda
ye kehte hue qaisar sheh ne qurban ali akbar ko kiya
na mumkin hai mere hote hue..(2)
maidan me zainab aajae
gar teri ijazat ho bhai, maidan me zainab aajae
ae laal mere akbar, mai qurbaan tere akbar..(2)
Shabbir ne ro ro ke kaha zainab e muztar
parde pe tere hogaya qurbaa ali akbar
maqtal me nahi aana khule sar meri khwahar
ta hashr salamat rahe zainab teri chadar
kuch yaad hai jab dafn hui raat ko madar
us waqt bhi tu ghar se nahi aai thi bahar
are dekhega tujhe ran me to mar jaega bhai
haan maut se pehle hi guzar jaega bhai..