Nabi Ki Qabr Pe Aakar, Kaha Zahra (sa) Ne Ro Ro Kar,
Musalmaan Hans Rahe The
Nabi Ki Qabr Pe Aakar, Kaha Zahra (sa) Ne Ro Ro Kar,
Musalmaan Hans Rahe The
Bhare Darbaar Mein Baba, Khadi Thi Aapki Dukhtar,
Musalmaan Hans Rahe The
Mila Yeh Ajr Humko, Ahl-e-Yasrab Se Risalat Ka
Hame Aap Ke Gham Mein, Kahan Rone Diya Baba
Bana Jab Ghar Mere, Rone Ki Khatir Sheher Se Baahar,
Musalmaan Hans Rahe The
Nahi Yeh Gham Mujhe Ke Bagh-e-Fidak Maine Nahi Paaya
Ay Baba Bas Mujhe Is Baat Pe Rona Bohat Aaya
Gawahi Mere Betoñ Ki, Saare Darbaar Jhoot Laa Kar,
Musalmaan Hans Rahe The
Yeh Sadma Hai Ke Mere Haq Mein Kisi Ne Lab Nahi Khola
Madine Mein Meri Janib Se Koi Bhi Nahi Bola
Wilayat Ke Liye Paighaam, Main Phirti Rahi Dar Dar,
Musalmaan Hans Rahe The
Jahaan Khayyat Bankar Khuld Se Rizwaan Aate The
Malak Bhi Aake Jis Dar Pe Adab Se Sar Jhukaate The
Ussi Dar Ko Laga Kar Aag, Jab Maari Gayi Thokar,
Musalmaan Hans Rahe The
Ghadeer-e-Khum Mein Jisko Aapne ‘Maula’ Kaha Baba
Woh Jisne Aapse Waada Kiya Tha Sabr Karne Ka
Nahi Bhooli Main Woh Manzar, Huye The Qaid Jab Haider,
Musalmaan Hans Rahe The
Hassan Ke Saamne Baba, Laaeñ Ne Zulm Yeh Dhaya
Mere Bache Ne Mujh Par Yeh Sitaam Hote Hue Dekha
Main Roti Reh Gayi Baba, Tamacha Jab Laga Rukh Par,
Musalmaan Hans Rahe The
Surani Aathwi Shawwal Ko Kaise Bhulaayeñ Hum
Kiya Tha Munhadim Yun Rauza-e-Makhdooma-e-Aalam
Nishaani Ke Liye Jab Qabr Pe Bas Reh Gaye Patthar,
Musalmaan Hans Rahe The
(Ali Raza Surani)