Shere khuda ke Dilbar Babul murad ghazi
Abbas ibne haidar Babul murad ghazi
(1)
Bharti hai har bashar ki jholi thumare dar se
Mujh natawa’n pe tera abre karam jo barse
Guncha bane gule tar Babul murad ghazi
(2)
Chaukhat pe teri maula aata hai jo sawali
Hargiz nahi palatta babe ata se khali
Kono maka’n ke sarwar Babul murad ghazi
(3)
Do mustafa ka sadqa mushkil kusha ka sadqa
Maula hasan ka sadqa shahe hoda sadqa
Aye fatima ke dilbar Babul murad ghazi
(4)
Chalta hai ab bhi sikka ghazi teri wafa ka
Isaar or shujaat padhti hai tera kalma
Sani e shere dawar Babul murad ghazi
(5)
Saya tere Alam ka hai shaha ki aza par
Karte hain shae ka matam parcham tera utha kar
Sabro wafa ke mahewar Babul murad ghazi
(6)
Taskeen e kalbe zainab kulsoom ka sahara
Tere wajood hi se thi mutmaeen sakeena
Aye aitebar e sarwar Babul murad ghazi
(7)
Badli musibato’n ki har samt cha gayi hai
Be jurm ahele haq ko duniya sata rahi hai
Imdad kar do akar Babul murad ghazi
(8)
Zulmat mite Jaha’n se waqte zahoor aaye
Mahfooz noor e haq se kaunain jagmagaye
Paye sukoon khawar Babul murad ghazi