Thame hue kamar ko ye shabbir ne kaha.

Abbas mujh ko chhor ke tu bhi chala gaya.

Sb qatal ho gaye mera koi nhi bacha

Abbas mujh ko chhor ke tu bhi chla gaya.

1)

Pahuche jari ki laash pe maqtal me jab hussain.

Zanu pe sar ko rakh ke ye karte the roke Bain.

Kis ke sahare ab me jiyunga bhala bata.

2)

Ankho me teer teri laga hai mere diler.

Aa khoon saaf krdun me ankho se teri sher

Ghash kha rhe the kehte hue yeh shahe karabala.

3)

Tha zalimo ke dil me aye Abbas tera dar.

Mujh par na koi uthti thi Abbas bad nazar

Uth kr ye dekh haste hain ab mujh pe Ashkiya’n.

4)

Abbas tere jaane se zainab ka hai ye haal

Chadar ko apni dekh ke hoti hai wo nidhal

Kehti hai kis tarha se jiyungi me ba wafa.

5) Bali sakina krti hai khaime me intezar.

kya dun use jawab bata de ye ek baar.

mar jayegi sunegi ye jis waqt ghum zada.

6)

Tukde jari ki laash ke sheh ne samet kar.

Rakhe the Ek chatai me thame hue jigar.

Bazu ko leke goud me kehte the barha’n.

7)

Shane utha ke apne dilawar ke khaq se.

Dil se kabhi lagaye kabhi choomne lge.

Or bazuo se kehne lage ye shahe huda.

8)

Johar bayan kese ho mola ka halezar.

‘Haider’ ‘Ali’ yeh kehte the Sheh Hoke Beqarar

Mere liye yeh dagh hai Bhai Boht bada