Laila ne kaha lasha e akbar pe tadap kar

Is dil me teri shadi ka arman Bohat tha

Dulha na bana paayi tujhe Teri ye madar

Is dil me teri shadi ka arman Bohat tha.

.1. Atthara baras soch ke maine ye guzare.

Armaan kisi roz nikalungi me saare..

Ghash khaati thi ye peet k kehti thi kbhi sar

2. Kohraam shahe wala k khaimon me bapa tha

Jb khaq pe shabeer ne laashe ko rakha tha

Har bibi sada deti thi haye haye mere akbar

3. Aye laal mere qalb pe ye daagh hai gehra

dulha na bana payi saja payi na sehra

hai kitni khalish kaise bataun tujhe dilbar.

.4. Barchi tere sine me lagi jab se suna hai.

Ankhon me meri noor na aye beta raha hai.

Takrai hu khaimon ki tanabo se muqarrar.

.5. Sunti hu ke bahar tera aya hai kaleja..

Acaha hai ke ankhon se mujhe kuch nhi dikhta

Mar jati magar dekh nhi paati yeh manzar.

6. Dushvar hai waise to watan jana hi mera

Gar jaun watan ko to me sughra se kahun kya

ye hal tera sun ke kahegi teri khuwahar.

7. Akbar phuppi amma ki zara dekh le halat.

Un ke bhi jo dil me thi na puri hui hasrat

Noha ye mere laal hai zainab ke labon par.

8. Ek lamhe ko Johar nhi madar ko mila chain

Behosh hui laila ali karte hue bain

Phuta hai mere laal teri maa ka muqaddar