Haye sakina, haye sakina..(2)

Yateem bacchi hai, dard o alam ki maari hai

koi ghareeb nahi hai, ye shahzadi hai

sakina par khudara, sitam itna na dhao..(3)

Yateemi ki ghadi hai, bohot sehmi hui hai

sitam itna na dhao

sakina par khudara, sitam itna na dhao..(2)

1. Abhi maara gaya hai iska baba

arey is waqt do isko dilasa

tamache mat lagao

sakina par khudara, sitam itna na dhao..(2)

2. Bohot pyaasi bohot pyaasi hai haye

kahi'n ye tashna lab hi mar na jaye

ise paani pilao

sakina par khudara, sitam itna na dhao..(2)

3. Ye saydani hai ye aala nasab hai

arey ye dukhtar e shahe arab hai

qareeb iske na jao

sakina par khudara, sitam itna na dhao..(2)

4. Khadi hai itni laasho mein ye tanha

andhera aur balaa ka hai andhera

zara himmat badhao

sakina par khudara, sitam itna na dhao..(2)

5. Is aalam mein na jee payegi haaye

bina baba ke mar jayegi haaye

koi sheh ko bulao

sakina par khudara, sitam itna na dhao..(2)

6. Na ab baba hai na iska chacha hai

lagi hai aag daaman jal raha hai

koi aakar bachao

sakina par khudara, sitam itna na dhao..(2)

7. Bade naazo'n mein ye bacchi pali hai

bohot kamsin hai ye ghabra gayi hai

zara sa rehem khao

sakina par khudara, sitam itna na dhao..(2)

8. Sada ek laash se gauhar ye aayi

na tum ghabrao aye baba ki pyari

humare paas aao

sakina par khudara, sitam itna na dhao..(2)

Haye sakina.. haye sakina..(2)