Haay
janaza jiska chupae the shab ki tareeki
damishk me ye usi fatima ki hai beti
na kal to shaam me parda bacha saka tha koi
dukhi husain ki maa keh rahi hai ya mehdi
dua ko haath uthae hai maadar e zainab
bachae roze ko roza hai chadar e zainab
saro ko dhaap kar aao..(2)
tumhe zainab bulati hai
abhi tak, shaam ke bazaar se awaaz aati hai..(2)
1. Batate hai ye raste jo abhi tak khoo me doobe hai
yaha se sayyad e sajjad zanjeero me guzre hai
tamacho se sakina ko kabhi zainab bachati hai
abhi tak, shaam ke bazaar se awaaz aati hai..(2)
2. Kahi durro ki barish hai kahi hai maarte pathar
zami kyu phatt nahi jati tamashe ko khule hai darr
kabhi baalo se zainab apne chehre ko chupati hai
abhi tak, shaam ke bazaar se awaaz aati hai..(2)
3. Na khud hai zainab e nachaar bhi us ek rassi me
bandhe hai abid e beemar bhi is ek rassi me
sakina kis tarah panjo ke bal par chal ke jati hai
abhi tak, shaam ke bazaar se awaaz aati hai..(2)
4. Bohot rote hai aabid dekh kar ye halat e zainab
ke aisa imtehaan nabiyo se bhi leta nahi ya rabb
imamat sar jhukakar khoon ke aansu bahati hai
abhi tak, shaam ke bazaar se awaaz aati hai..(2)
5. Khudaya hai yahi mushkil kusha e waqt ki poti
ye saara shaam kehta hai sakina chup nahi hoti
lahu kaano se behta hai tamache muh pe khaati hai
abhi tak, shaam ke bazaar se awaaz aati hai..(2)
6. Khuda aur mustufa ke deen ka paband hai koi
na majme me hazaro ke bhi ghairat mand hai koi
musalmano ki ghairat par bohot aansu bahati hai
abhi tak, shaam ke bazaar se awaaz aati hai..(2)
7. Sharabi badnasab darbaar hai kitne laee dekhe
khadi zainab thi jisne 700 kursi nashi dekhe
madad ko saatwe(7) dar par ali ko ye bulati hai
abhi tak, shaam ke bazaar se awaaz aati hai..(2)
8. Hai jaari shaam o kufa me jafa ka silsila ab tak
ke bhai bekafan hai aur behen hai berida ab tak
nikal kar qaid