Sataayi Ja Rahi Hain Fatima Zahra Madine Mein
Ye Kaisa Waqt Baad-E-Mustafa Aaya Madine Mein
Na Kar Paayin Wo Apne Baap Ka Dil Khol Kar Maatam
Bohot Takleef Pahunchi Fatima Ke Qalb Ko Us Dam
Musalmano Ne Jab Rone Se Bhi Roka Madine Mein
Sataayi Ja Rahi Hain Fatima Zahra Madine Mein
Pidar Ke Haath Ki Likhi Hui Tehreer Ke Tukde
Bhरे Darbaar Mein Ghasib Ne Jab Soo-E-Zameen Phenke
Nabi Ki Laadli Ka Dil Bohot Roya Madine Mein
Sataayi Ja Rahi Hain Fatima Zahra Madine Mein
Janab-E-Fatima Par Koh-E-Gham Be Inteha Toote
Kaleja Sayyeda Ka Phat Gaya Us Waqt Sadme Se
Tamaacha Jis Ghadi Maloon Ne Maara Madine Mein
Sataayi Ja Rahi Hain Fatima Zahra Madine Mein
Farishte Bhi Jahan Aakar Jhuka Dete The Apna Sar
Salaami Ke Liye Jis Dar Pe Khud Aate The Paigambar
Laeenon Ne Jala Daala Wo Darwaaza Madine Mein
Sataayi Ja Rahi Hain Fatima Zahra Madine Mein
Gira Jab Jalta Darwaaza Tadap Kar Reh Gayin Zahra
Shikam Mein Qatl Kar Daala Gaya Nan’ha Sa Ek Bachcha
Nabi Zaadi Ne Mohsin Ka Bhi Gham Paya Madine Mein
Sataayi Ja Rahi Hain Fatima Zahra Madine Mein
Qayamat Thi Gale Mein Murtaza Ke Baandh Kar Rassi
Bana Kar Zaalimon Ne Haider-E-Karrar Ko Qaidi
Ye Manzar Fatima Zahra Ko Dikhlaaya Madine Mein
Sataayi Ja Rahi Hain Fatima Zahra Madine Mein
Aziyat Madar-E-Hasnain Ko Deti Rahi Ummat
Shikasta Pasliyan Lekar Ke Zahra Ho Gayin Rukhsat
Janaaza Fatima Ka Raat Mein Utha Madine Mein
Sataayi Ja Rahi Hain Fatima Zahra Madine Mein
Saja Rakha Hai Ummat Ne Jahan Par Gumbad-E-Khizra
Wahin Nazdeek Hi Ujdi Hai Qabr-E-Fatima Zahra
Sitam Ye Dekh Le Ja Kar Ke Khud Duniya Madine Mein
Sataayi Ja Rahi Hain Fatima Zahra Madine Mein
Tadap Jaata Hai Dil Jab Is Tasavvur Tak Ye Aate Hain
Ata Aur Eliya Ye Soch Kar Aansu Bahaate Hain
Nahi Hai Qabr-E-Zahra Par Koi Saaya Madine Mein
Sataayi Ja Rahi Hain Fatima Zahra Madine Mein