Chhod Kar Jao Na Zahra, Aaj Tanha Hai Ali
Ye Ali Padhte The Nauha, Aaj Tanha Hai Ali
Rehlat-e-Mursal-e-Azam Tha Giraan Is Dil Par
Tum Bhi Jaati Ho Mujhe Chhod Ke Qurb-e-Sarwar
Khaak Hai Bin Tere Duniya, Aaj Tanha Hai Ali
Uth Ke Dekho To Zara Bekas-o-Mazloom Ka Gham
Dekha Jaata Nahi Ab Zainab-o-Kulsoom Ka Gham
Kaise Doon Inko Dilaasa, Aaj Tanha Hai Ali
Dil Mera Soch Ke Ho Jaata Hai, Bibi, Bechain
Chhote Chhote Hain Abhi Mere Hasan Aur Hussain
Maa Ka Sar Se Utha Saaya, Aaj Tanha Hai Ali
Pasliyan Tooti Thi Phir Bhi Na Bataya Bibi
Kyun Tamaache Ka Nishaan Mujhse Chhupaya Bibi
Dil Phata Jaata Hai Mera, Aaj Tanha Hai Ali
Saath Logon Ne Jo Chhoda To Sahaara Tum Thi
Mujhko Ek Pal Bhi Nahi Fikr Thi Tanhaai Ki
Ho Gaya Ab Main Akela, Aaj Tanha Hai Ali
Kaise Mazloomi Likhe Maula Ki Talib, Haider
Qabr-e-Zahra Pe Ali Kehte The Ye Ro-Rokar
Ghar Mein Dil Kaise Lagega, Aaj Tanha Hai Ali