Mohsin (as) Mera Shaheed Hua Baba (saws) Al Madad

Pahlu Pa Mere Dar Hai Gira Baba (saws) Al Madad

Rudaad-e-Gham Bayaan Kare Kis Se Fatema (sa)

Chhaayi Hai Ranj-o-Gham Ki Ghata Baba (saws) Al Madad

Zakhmi Kuchh Aise Pahlu Hua Tooti Pasliyaañ

Doobhar Hai Saañs Lena Mera Baba (saws) Al Madad

Haq Maañgne Ko Jaati Hai Darbaar Fatema (sa)

Mehboob-e-Haq (saws), Rasool-e-Khuda (saws), Baba (saws) Al Madad

Khaibar Ke Dar Ko Hathoñ Pa Jis Ne Uthaya Tha

Rassi Me Hai Usi (sa) Ka Gala Baba (saws) Al Madad

Mujh Se Gawaah Maañge Gaye Wa Museebata

Mujh Se Fidak Bhi Chheena Gaya Baba (saws) Al Madad

Haider (as) Ko Jo Salaam Kare Ya Jawab De

Yasrab Me Ab Koi Na Raha Baba (saws) Al Madad

Yaad Aagaye Masayab-e-Bint-e-Rasool-e-Haq (sa)

Jab Bhi Kisi Ne Ro Ke Kaha Baba (saws) Al Madad

Nishani Gul Ajab Nahiñ Zahra (sa) Jo Qabr Se

Deti Hoñ Baar Baar Nida Baba (saws) Al Madad