Ali Ki Aankhon Mein Khoon Bhara Hai
Janaza Zahra Ka Uth Raha Hai
Nabi Ke Roze Ko Zalzala Hai
Janaza Zahra Ka Uth Raha Hai
Ye Kaisa Ummat Ne Zulm Dhaaya
Nabi Ki Beti Ka Ghar Jalaaya
Shikasta Pehlu Bhi Ho Chuka Hai
Janaza Zahra Ka Uth Raha Hai
Ali Ke Bachchon Ka Qad Hai Chhota
Woh Dein Janaze Ko Kaise Kandha
Qadam Qadam Ek Karbala Hai
Janaza Zahra Ka Uth Raha Hai
Hayaat Athaarah Saal Ki Thi
Abhi Se Baalon Mein Ye Safedi
Jahan Ne Kaisa Sitam Kiya Hai
Janaza Zahra Ka Uth Raha Hai
Hasan Ka Tukde Hua Kaleja
Hussain Bhi Padh Rahe Hain Nauha
Kaleja Zainab Ka Phat Raha Hai
Janaza Zahra Ka Uth Raha Hai
Rasool-e-Haq Ki Jo Thi Amaanat
Woh Ho Rahi Hai Jahan Se Rukhsat
Tamaacha Rukhsaar Par Laga Hai
Janaza Zahra Ka Uth Raha Hai
Ek Hashr Hai Bait-e-Mustafa Mein
Bapa Hai Kohraam Ambiya Mein
Fiza Mein Jibreel Ki Sada Hai
Janaza Zahra Ka Uth Raha Hai
Karenge Hasnain Kyun Na Giriya
Nahi Hai Ab Sar Pe Maa Ka Saaya
Gharana Haider Ka Ghamzada Hai
Janaza Zahra Ka Uth Raha Hai
Arab Ki Malika Ki Jo Thi Beti
Kya Hai Ummat Ne Usko Zakhmi
Nabi Ka Tukda Jigar Hua Hai
Janaza Zahra Ka Uth Raha Hai
Bapa Ho Masoom Kyun Na Matam
Ho Chashm-e-Mashhad Na Kis Tarah Nam
Ye Ek Jumla Bahut Bada Hai
Janaza Zahra Ka Uth Raha Hai