Mere maula (a.s.) mai likhun teri fazilat kaise

bada mushkil teri midhat ka safar lagta hai.....2

log keh de na nusairi yahi dar lagta hai

mere maula (a.s.) mai likhun teri fazilat kaise

Teri chaukhat par sitare ne salami di hai.....2

tere bacchon (a.s.) ki farishton ne gulami ki hai

kulle imaan hai jibreel ka ustad hai tu

had yeh hai kaunain ke sardaar ka damaad hai tu

ya ali (a.s.) tere ta'arruf me koi kya bole

teri thokar ka ishara ho to murda bole

mere maula (a.s.) mai likhun teri fazilat kaise

Ek hi waqt me chalees(40) jagah par maujood.....2

har nafas tujh me jhalakte hai sifate mabood

chaand suraj bhi samajhte hai ishara tera

zindagi aur ajal dono pa kabza tera

ya ali (a.s.) deen e payambar ka nigeh baan hai tu

jis pe allah (sw.t.) ka dhoka ho woh insan hai tu

Putla adam ka banaya hai tere hathon ne.....2

naksh e kaunain tarasha hai tere hathon ne

sochta hun ke nusairi ki khata hi kya hai

jub ke allah (s.w.t.) ka chehra bhi tera chehra hai

khud diya nahje balagha mein jo khutba tune

us se lagta hai banaee hai yeh duniya tune.

Jannat o kausar o tasneem o iram tere hai.....2

hadd yeh hai ke dosh e risalat pa kadam tere hai

ilteja hai ke hasnain (a.s.) ka sadka de de

apne mddaho ko midhat ka saliqa de de

guftugu karne ke adaab sikha de maula

mere har lafz ko nayaab bana de maula