Fatima Zahra Ko Dafna Kar Ali Na Uth Sake
Apna Dil Thaame Lehad Ke Paas Hi Baithe Rahe
Ho Gayi Jab Der To Baazu Pakad Kar Baap Ka
Ye Sada Ro Kar Hussain Ibn-e-Ali Dene Lage
Ho Chuki Hain Dafn Amman, Mere Baba Ghar Chalo
Ghar Mein Zainab Hai Pareshaan
Mere Baba Ghar Chalo
Soch Kar Is Dard Ko Rukti Nahi Hain Siskiyan
Meri Amma Jaan Ki Tooti Hui Thi Pasliyan
Gham Se Jaati Hai Meri Jaan
Mere Baba Ghar Chalo
Aa Raha Tha Zauf Se Kulsoom Ko Ghash Baar Baar
Ghar Ke Darwaaze Pe Zainab Ro Rahi Thi Zaar Zaar
Kaun Hai Unka Nigehbaan
Mere Baba Ghar Chalo
Jaane Kaise Mere Baba Aapne Ye Gham Saha
Jis Ghadi Amma Pe Meri Jalta Darwaaza Gira
Yaad Aati Hain Woh Ghadiyan
Mere Baba Ghar Chalo
Maa Ke Rehne Se Hi Reh Paati Hain Ghar Ki Raunaqein
Maa Ke Mar Jaane Se Mit Jaati Hain Ghar Ki Raunaqein
Ghar Hua Hai Aaj Veeraan
Mere Baba Ghar Chalo
Mera Amma Se Nahi Dekha Gaya Tha Roothna
Yaad Aata Hai Mujhe Bande Kafan Ka Tootna
Gham Nahi Sehna Ye Aasaan
Mere Baba Ghar Chalo
Ye Bharosa Hai Mujhe, Sun Kar Meri Fariyaad Ko
Karbala Mein Aayengi Amma Meri Imdaad Ko
Aap Bhi Karna Ye Ehsaan
Mere Baba Ghar Chalo
Apne Ghar Jaane Se Pehle Baba Itna Kijiye
Meri Amma Ke Liye Ek Fateha Padh Dijiye
Raat Hai Kuch Pal Ki Mehmaan
Mere Baba Ghar Chalo
Qabr-e-Zahra Se Lipat Kar Ro Pade Maula Ali
Jis Ghadi (Yaqoob) Ye Shabbir Ne Aawaaz Di
Qabr Par Karke Charaaghaan
Mere Baba Ghar Chalo