Sana-e-Muhammad jo karte rahenge
Wo daaman muraadon se bharte rahenge
Hayat un pe qurbaan hoti rahegi
Jo un ki muhabbat mein marte rahenge
Wo daaman muraadon se bharte rahenge
Wo lamhaat bakhsheesh ka saamaan honge
Jo zikr-e-Nabi ﷺ mein guzarte rahenge
Wo daaman muraadon se bharte rahenge
Unhein dekh kar is jahaan ke nazaare
Nigaahon se meri utarte rahenge
Wo daaman muraadon se bharte rahenge
Har ek gaam par hum ko miraaj hogi
Jo sar un ke qadmon pe dharte rahenge
Wo daaman muraadon se bharte rahenge
Riyaz un ke daaman se waabasta rehna
Tere kaam bigde sanwarte rahenge
Sana-e-Muhammad jo karte rahenge
Wo daaman muraadon se bharte rahenge