Sana-gar Ho muhammad (saww) ka tou manzil naat hoti hai,

Magar ta-eed e dawar sy he hasil naat hoti hai,

Sukhan ho nutq e ismat sy tou mayil naat hoti hai,

Kisi humd aashna lehjy ki sayil naat hoti hai,

Sitary aake lafzon pr mery nuqty lagaty hein,

Waraq par chand ki kirno sy jhil mil naat hoti hai,

Wo jiska matla e awol likha tha zul-ashira mai,

Ghader e khum ki mehfil mein wo kamil naat hoti hai,

Isi dalaan main parvan charhny hein manaqib sab,

Abu talib kashany mein dakhil naat hoti hai,

Mo-Addab khana e zahra mein yeh jibril kehte hain,

Kisa ka shamiyana ho tou nazil naat hoti hai,

Par e jibril khama e ab e kousar roshinayi ho,

Sukhanwar ko milen jab yeh wasail naat hoti hai

Juda zikr e ali zikr muhammad ko nahi skta,

Isi karan meri midhat main shamil naat hoti hai,

Khuda jis nazaish e aalam ki khatir ayaten bhejy

Kahan shehwaar sy aaqa ke qabil naat hoti hai