baradarm joon akbar bardam jon

soghra ne di ye sada tujh pa main qurban

1. dekhti hai jab bhi ye khahar tera chehra

badhta hai dil umar men hota hai izafa

rukti hai har gham ki hawa _ paati hai bimaar shefa

tum se hai wabasta mere jine ka unwaan

2. chood ke gar mujh ko yahan jao ge bhaiya

tum mere marne ki khabar pao ge bhaiya

gham men giraftar bahn _ dekho hai bimar bahen

tum se bichad kar bhaiya jaye gi ye jaan

3. mahwe buka tere liye rooz rahon gi

nakshe qadam deekh ke main raah takon gi

dil pa hain jo ranjo alam _ ab nahin ho payen ge kam

yaad tumen kar ke bahen roye gi har aan

4. misle nabi tum ko diya lahen khoda ne

suraye yaseen padho mere sarahne

jab bhi ye dam nikle mera _ samne ho chehra tera

dil men baradar hai mere bas yahi armaan

5. arsh ke taron se bhara rahta hai angan

raunaqen hain dam se tere ghar bhi raushan

hoga ga bas ek gham saman_ ujre ga khushiyon ka jahan

hoga tere jaate hi ghar mera viraan

6. ek guzarish hai agar biyah rachana

khahare bibaar ko tum bhool na jana

laut ke tum ana watan _ saath men jaye gi bahan

puri ye hasrat ho meri akbare zishaan

7. jab tere hujre pa nazar jaye gi bhaiya

saath karen ge daro diwaar bhi giriya

hogi bahot dil men chudhan _ badhti hi jaye gi ghutan

tere bina hoga watan surate zindaan

8. chain se dam mera nikal jaye baradar

qabar men so jaye kafan odh ke khahar

khatam ho ye gham ka safar _ jald ruke darde jigar

tum bhi ali ho kar do mushkilen asaan

9. mir hilal ashk bahane lage akbar

bain jo khahar ne kiye khaak uda kar

chane lagi gham ki ghata _ho gaya ek ashr bapa

ahle madina gham se rote the Rizwan