meri tarah mere baba koi yateem na ho

1. meri tarah mere baba ,koi yateem na ho

hui hai jai se sakina, koi yateem na ho

2. yateem ho ke yatimi ka dard samjha hai

ye gham saha nahi jata ,koi yatim na ho

3. suna tha log yatimon se pyar karte hain

main bad nasib hun baba,koi yatim na ho

4. koi to sar pa muhabbat se hath rakh deta

koi to deta dilaasa, koi yateem na ho

5. mujhe yatimi ka ehsaas yeh dilaata hai

mera fata hua kurta,koi yateem na ho

6. zameen pe neend bhi aye to kis trha aye

chhuta hai baap ka seena, koi yateem na ho

7. laeen ne kano se khechi hen baliyan meri

lahoo luhaan hai chehra, koi yateem na ho

8. juda na ho kabhi irfan baap, beti se

uthe na baap ka saya, koi yateem na ho