Haaye Mera Bimaar.....

Ye Sitam Sayyade Sajjad Uthaaye Kaise

Leke Maa Baheno Ko Bazar Me Jaaye Kaise

1) Bhai Bimaar Bhi Hai Bekaso Laachar Bhi Hai

Tauk-o-zanjeer-o-salasil Me Giraftaar Bhi Hai

Woh Sakina Ko Tamacho Se Bacahaye Kaise

2) Bhai Ke Saamne Kiss Haal Me Hai Choti Bahen

Dam Ghuta Jata Hai Kasti Hai Jo Gardan Me Rasan

Saans Bhi Aaye To Iss Haal Me Aaye Kaise

3) Har Aziyat Dile Mazloom Ko Tadpaati Hai

Din Me Dhoop Aati Hai Aur Raat Me Oos Aati Hai

Koi Zindaan Ki Tasweer Bnaaye To Bnaaye Kaise

4) Khoo'n Bhara Kutra Badan Par Hai Kafan Ki Surat

Dekhkr Ro Diye Sajjad Bahen Ki Surat

Qaid Me Kafan Ka Samaan Aaye To Aaye Kaise

5) Bekafan Choti Se Ek Laash Tadap Jati Hai

Bekasi Sirf Isi Baat Ko Dohraati Hai

Kabr Sajjad Sakina Ki Bnaaye To Banaye Kaise

6) Kisi Surat Me Bhi Puri Na Wasiyat Hogi

Nam Zami Me Na Muyassar Mujhe Turbat Hogi

Zakhm Sajjad Bataye To Bataye Kaise

Ye Sitam Sayyade Sajjad Uthaaye Kaise

Haaye Mera Bimaar