Beti Ko Shai Ke Rukh Se Hatane Ke Waaste

(Sani)

Zalim Bardha Tamacha Lagane Ke Waaste

1) Nau Laakh Shaamiyon Se Madina Ki Muntayein

Baba Ke Qatilon Se Sakina Ki Muntayein

Kafi Hain Shai Ke Dil Ko Dukhane Ke Waaste

2) Bacchi Ko Dekh Kar Khadi Roti Thi Khud Qaza

Jis Dam Sare Hussain Pe Khanjar Rawan Huwa

Gardan Pe Haath Rakhe Bachane Ke Waaste

3) Jo Qatm Hogayi Hai Usi Aas Se Kaho

Har Zulm Par Kahein Hain Abbas Se Kaho

Sajjad Ki Behen Ko Rulane Ke Waaste

4) Banu Pukaari Asq Sakina Ke Ponch Ke

Kitne Dinon Ki Jaagi Sakina to Soosake

Nad E Ali Pardhun Mai Sulane Ke Waaste

5) Itna Sukoon Paya Ke Qamoosh Hogayi

Baba Ke Zakhmi Sar Se Lipat Te He Sogayi

Kuch Dard Reh Gaye Thea Batane Ke Waaste

6) Abid Pukare Apna Sahara Koi Nahin

Ek Baar Phir Janaze Mea Aaya Koi Nahin

Mayyat Meri Behen Ki Uthane Ke Waaste

7) Saidaniyon Ka Shehre Sakina Hai Shaam Mea

Zainab Ke Saath Roza E Fizza Hai Shaam Mea

Koi To Ho Charaag Jalane Ke Waaste

8) Gar Mehdavi Fariste Lahed Mea Karen Sawaal

Har Ek Sawaal Par Mujhe Aaye Yahin Qayaal

Hai Gurbat E Sakina Sunane Ke Waaste