Hay Ali(as)... Hay Ali(as)... Hay Ali (as)...(4)

Andhere Sog ke kufe pe Chhanewale hain,

Shaheed e Zarb ALI Aaj hone wale hain.

Machal rahi hain Jo Murghabiya'n khadi dar par,

ALI ko rok rahi hain wo bas yehi keh kar,

Na Jaiye ke Laee'n Zulm dhaane wale hai'n

Khabar ALI(as) ko hai kya zulm hoga Masjid mein

Lahu mein dubega HAQ ka Musalla Masjid mein

Yu fart e gham se sabhi chayn khone wale hain

Pukaarti hai MASHIYYAT ALI ko jaana hai,

HASAN(as) HUSAIN(as) ko ye dard e Gham Uthaana hai,

HARAM bhi Ashko'n ka darya bahaane wale hain,

Zamana hoga Dilafgaar wo ghazab hoga,

Namazi honge Azadar wo ghazab hoga

Haa'n zer e Qabr NABI(saws) ab Tadapne wale hain,

Haa, Chaar Simt jaha'n mein udasiya'n hongi

Yatim hoga Zamana khamoshiya'n hongi

Ye dard Ahle 'Wila' ab uthaane wale hai'n...