Bichhao farsh e gham e sayyeda qayamat hai

Ali se hoti hain Zehra juda qayamat hai

Kuchh is qadar huye zulm o sitam rasool K baad

Asa ke sath chali'n sayyeda qayamat hai

Hamesha hath ko pehlu pe rakh ke kaam kiya

Kabhi kisi se na kuchh bhi kaha qayamat hai

Gira ke jalta hua sayeda pe darwaza

Suna hai qatil e mohsin hasa qayamat hai

Azeeyaton ke sabab haaye nau jawani me

Nabi Ki beti ko aaei qaza qayamat hai

Ali ne tooti huie pasliyon ko jab dekha

Tadap k cheekh K roye kaha qayamat hai

Jo toote bande kafan ulfat e Shahe dee,n me

Tadap ke ro diye ahle aza qayamat hai

Agar rasool Ki beti Ka gham manana hai

Gharon me kijiye majlis bapa qayamat hai

Khuda hi jaane wo Kaise the kalma go asif

Jinhone sadme pe sadma diya qayamat hai