ٹوٹی ہوئی کمر ہے، سنبھالو حسینؑ کو
بھیا ذرا گلے سے لگا لو حسینؑ کو
۱
لگتا ہے آنے والی ہے غربت میں اب اجل
جلتی ہوئی زمیں پہ گرا ہوں میں منہ کے بل
مرنے سے پہلے بڑھ کے اٹھا لو حسینؑ کو
۲
جتنے بھی غم تھے تشنہ دہاں سے لپٹ گئے
بازو نہیں تمہارے، مرے ہاتھ کٹ گئے
اپنا شریکِ درد بنا لو حسینؑ کو
۳
تم منہ کے بل زمیں پہ گھوڑے سے جب گرے
غازیؑ سہارے کے لیے یہ ہاتھ بھی نہ تھے
زخموں سے حال جو ہے سنا لو حسینؑ کو
۴
بے جان ہیں ہاتھ، قوتِ بازو گزر گیا
دل مانتا نہیں ہے کہ عباسؑ مر گیا
یہ غم بہت بڑا ہے، سنبھالو حسینؑ کو
۵
چاروں طرف سے گھیرے ہیں مجھ کو یہ اشقیا
دل چاہتا ہے جس کا مجھے وہ ہے مارتا
نرغے سے ظالموں کے نکالو حسینؑ کو
۶
پہلو میں دونوں سمت سے ماری گئی سناں
اماں کی طرح توڑ دی ظالم نے پسلیاں
زخمی بدن ہے سارا، بچا لو حسینؑ کو
۷
خنجر کو کند کرنے لگا شمرِ بے حیا
کٹنے ہی والا ہے مرا سوکھا ہوا گلا
دستِ اجل سے تم ہی چھڑا لو حسینؑ کو
۸
مقتل میں وقتِ عصر غضب ارتضیٰ ہوا
شاہؑ نے پڑھا یہ میر ہلال ایک مرثیہ
تم ہو جہاں وہیں پہ بلا لو حسینؑ کو